Ha East Jaintia Hills District ruh la rakhe ia ka jingleburom Republic Day kaba 73 ha kaba u ma Nujorki Sungoh, MLA ka Mowkaiaw Constituency ula pynheh ia ka lama lai rong jong ka ri bad shim ruh ia ka Salute ryngkat ka jingrwai ia ka National Anthem.
Ia kane ka jingrakhe la pynlong ha madan ialehkai jong ka Khliehriat Higher Seconday School, Khliehriat.
Ha kane ka prokram kala don ka jingpyni ia ki tableau na ki tnat sorkar bapher bapher ba kynthup ia ka Soil and Water Conservation Department, Executive Engineer (Water Resources), District Disaster Management Authority, District Commerce and Industries Centre, Superintendent of Fisheries, District Transport Officer, District Sports Officer, District Range Forest Officer (Wildlife Range) bad District Range Forest Officer (Social Forestry Range), Animal Husbandry bad ka Veterinary Department, District Agriculture Officer and District Horticulture Officer.
U kongsan ma Nujorki ha kane ka sngi ula sam ia ka khusnam sha ki nongiashim bynta baroh. Ha ka jingpyni tableau ia ka nam ba nyngkong la ioh rah da ka District Agriculture Officer and District Horticulture Officer, East Jaintia Hills District, kaba wan ba-ar ka ophis Executive Engineer (Water Resources) bad kaba wan balai ka dei ka District Commerce and Industries Centre.
Ha ka jingiakop cultural prokram ia ka khusnam ba nyngkong la ioh rah da ka Tluh Village Organisation, ba-ar ka Dkhiah East Secondary School bad ba-lai la ioh rah da ka Khliehriat Presbyterian Socondary School. Shi bynta na kane ka jingrakhe ia ka Republic Day ha East Jaintia Hills District ka la don ka jingleit ai sngewbha na ki ophisar jong ka District sha ka Children’s Home (Boy) bad Children’s Home (Girls), sha CHC Khliehriat bad sha CHC Sutnga.
