U ma Katbanbiang Lamare uba dei naka shnong Nartiang, West Jaiñtia Hills District, mynta ka sngi ula shim ïaka rai ban pynbna paidbah ban ïakhun shakhmat ïaka Election MDC na ka 7-Wahiajer Nartiang Constituency sha ka ïing Dorbar ka Jaiñtia Hills Autonomous District Council (JHADC) ka ban sa long shen ha u bnai Rymphang, 2025.
Ka jingthmu jong u ma Katbanbiang Lamare ban ïakhun ïa kane ka Election ka long ban wanrah ïa ka roi ka par khamtam ban ïarap ïa ki briew kiba wan na ki longïing ba duk, kiba hap hapoh ka 7 Wahiajer Nartiang Constituency.
Haka juh ka por u don ka jingangnud ban ïakhun katba lah ban pynkiew ïaka District Council haka rukom treikam, namar kumba long mynta ka Council ka don hapdeng ka jingtlot shaba palat ka rukom pynïaid kam.
Kum u briew uba ju trei mon sngewbha hapoh ka imlang ka sahlang, ula shim ïa ka rai rangbah ban ïakhun ïa kane ka Election mynta u snem da ka jingkyrshan jong ki nongshong shnong katei ka thaiñ.
Shuh shuh ula pyntip ka jingïakhun kan long kaba ïaid beit shakhmat, hynrei u ma Katbanbiang Lamare um pat lah ban rai la un ïakhun na kano kano ka Party na kum u kyrtong shimet.
