Rai ka DS Tympang Iawmusiang ban pynlong da ka Common Platform ïa ki kyrtong ka 18 Jowai North

Ka Dorbar Shnong Tympang Iawmusiang, Jowai kala pynbna paidbah katkum ka meeting kaba dang dep long shen ka la shim ïa ka rai ba kan pynlong da ka Common Platform na ka bynta baroh ki kyrtong ka 18 Jowai North MDC Constituency bad la shim ïa ka rai ban pynlong ha ka 17.02.2025 (Monday) haka por 6:30 p.m. ha Tympang Club Hall.
Kane ka jingpynlong ïa ka Common Platform ka long shi bynta ban ailad khlem da ñiew shilliang khmat ïa uno uno u candidate (Free and Fair Poll) bad la buh ruh ïa kine ki kyndon harum:
1) Yn don ka khalai nusib na ka bynta ka pali ban kren ha rynsan ha ka por 6:15 p.m. thik ïa baroh ki candidate.
2) Yn ailad ban kren tang ïa ki Candidate bad yn ai por 30 minit ia uwei bad kumjuh ban pynkut pat yn ai 10 minit ïa u Sitting MDC bad 5 minit na ka bynta kiwei pat.
3) Yn shah ban synran ïa u Candidate tang hapoh 10 ngut ki nongkyrshan kiba na shabar ka Shnong bad bym dei ban palat ïa ka 10 ngut.
4) Yn shah tang 2 tylli ki kali ban synran ia u Candidate.
5) Baroh ki jinglut ha kane ka Common Platform naduh ka sha, ki Sound System baroh yn pyllut hi da ka Fund Shnong. Pynkut ka kyrwoh na u Waheh Shnong ma A. Lywait bad u ma H Laloo Secretary Shnong.