Jowai: Kat kum ka khubor ba la pyllait da u Joint Secretary ka Dorbar Shnong Shnongpdeng u ma D B Syngkrem ula pyntip ba na ka liang ka bor shnong hadien ka jingiashong pyrkhat sani hapdeng ki nongpyniaid shnong bad ka Shnongpdeng Tourism Development Society (STDS) ryngkat ka VDP shnong kila shim ia ka rai ban sdang plie biang ia ki jaka jngohkai kiba don hapoh u pud sam jong ka shnong Shnongpdeng naduh ka 15 tarik mynta u bnai.
Na ka liang jong ki bor pyniaid shnong kila pyntip ba la shah shwa tang kumba 500 ngut ki nongwan jngohkai ha ka shi sngi kiba kynthup ia kiba wan rwing bad kiba sah miet.
Namarkata ki bor pyniaid kila buh ia jingkyntu ia baroh ki nongwan jngohkai ki dei ban bud ryntih bha ia ki kyndon SOPs kiba la buh da ka tnad Tourism Department khnang ba kan long ka jingiada ia baroh ki nongwan jngohkai bad kumjuh ruh ia ka shnong ka thaw hi baroh kawei.