Ka BJP-East Jaintia Hills District mynta ka sngi kala ioh ban leit ia kynduh ia ki para nongkyrshan jong ka Party kiba don ha shnong Tuber Shohshrieh, East Jaiñtia Hills District.
Ha kane ka jingleit ia kynduh na ka liang ki nongkyrshan ba shitrhem jong ka Party BJP kila shim ia ka rai ban ai ka jingiatrei lang ban pynjop ia ka kyrtong NDA kaba la jied da u Modi ka Dr. Ampareen Lyngdoh. Kila rai ruh da ka juh ka sur ban iatreilang shitrhem khnang ba yn lah ban wanrah biang ia u Modi sa shisien khnang ba un lah ban pyndep ia ki kam kiba dang sah ba un pyndep ha ki por ban wan.
Ka BJP-East Jaintia Hills District kala ong ba ym lah ba siew kylliang ia ka jingleh bha jong u Prime Minister Narendra Modi, lait noh tang ban ai ia ka vote kaba long Muhor Ksiar jong ki paidbah ia u.