Ka Dorbar Shnong Nangbah Pyllun mynta ka kynti kala shim ia ka rai ban ai ka jingkyrshan kaba pura ban pynjop donburom ia u ma Lakhon Biam u ban sa iakhun kum u MLA ha kane ka elekshon 2023.
Ki nongshong shnong ka Nangbah Pyllun ha ka Dobar kaba la long ha ka 19 tarik u Naiwieng 2022 ha Iawmusiang Muknor kila shim ia ka rai bad da kawei ka sur ba kin iatylli lang baroh ban ai ka jingkyrshan kaba pura ia u ma Lakhon Biam uba dei ha kajuh ka por dei u MDC ka thaiñ uba la don jingthmu ban iakhun ia ka MLA 2023 na ka 3-Raliang Constituency.
Kum ki nongshong shnong ki don ka jingkyrmen ba lada u ma Lakhon un poi sha ka thong un sa lah ban wanrah shibun ki skhim pynroi pynpar hapoh kane ka Constituency, kaba dang donkam shibun bah ki kam pynroi.