Ka khubor Pulit ba la phah la iathuh ba ka ïingbishar Special Judge (POCSO), East Jaintia Hills District, Khliehriat kala rai pynrem ia u Ganesh ba la ju khot u Sangi Rai bad Popo hadien ka jinglap ba u donkti ha kaba leh thombor ia kawei ka khynnah rit.
Kane ka long kat kum ka case kaba la register ha Khliehriat Women Police Station C/No 37(08)2023 U/s 5(m)/6 POCSO Act, ia kaba la pynkhamti ha ka WPSI L. Siangshai ban pynlong ia ka jingtohkit.
La pynlong ia ka jingtohkit bad la Charge sheeted ia u katkum ka CS No.2612023 dated 13.11.2023. Hadien ka jingshong bishar jong ka ïingbishar Special Judge (POCSO), East Jaintia Hills District, Khliehriat la lap ia ka jingdonkti jong utei u Ganesh.
Kumta na ka liang ka ïingbishar mynta ka sngi kala rai pynrem da kaba phah set phatok ia u 20 snem kynthih hapoh ka kyndon Section 6 jong ka POCSO Act ryngkat bad ka kuna kaba long Rs.20,000/- (Arphew hajar) tyngka.
