Ha ka 13 tarik u Nailar, 2025, ka ïing bishar jong u N. A. Khan, District and Sessions Judge, West Jaintia Hills, Jowai, ka la rai pynrem ia u Patrick Dhar hapoh ka kyndon 302 jong ka IPC halor ka jingpyniap briew bad la rai ban pynsaja ia u da kaba set patok shi jingim ryngkat ka kuna kaba long 5 hajar tyngka.
Ka mukotduma ka la sdang na ka FIR kaba la mudui da ka kong Bil Lamare ha ka 9 tarik u Jymmang, 2010, ha u Officer In-Charge jong ka Jowai Police Station, kaba kynnoh ba la pyniap ïa u para jong ka, u Rosingmon Lamare, ha shnong Barato ha ka step jong ka 8 tarik u Jymmang, 2010 da u Interly Talang bad u Patrick Dhar.
La register ia kane ka case hapoh Jowai P.S. Case No. 72(5)2010 hapoh ka Section 302/34 jong ka IPC, bad la tohkit bad pynngat charge sheet da u SI W. Vaiche.
