Ka ophis jong u Superintendent of Police, ka West Jaiñtia Hills District kala pyntip paidbah ba ka ïing bishar jong u District and Sessions Court, Jowai u N.A Khan, kala rai ban pynrem bad rai set patok haduh hynriew bnai ïa u Silas Sten uba na ka shnong Mukroh West Jaintia Hills District halor ka Kes pyrshah ïa u bala register ha u snem 2016.
Ïa kane ka kes la ujor (FIR) ha ka 8 tarik u September, 2016 da u ma Shngain Niang, ha ka 3 tarik u September, 2016 ha kaba la kynnoh ba utei u Silas Sten ula leit rung jubor ha ïing jong u ha ka por kumba 10 baje mynmiet, ha ryngkat ka byrngem da ka wait bad maham ïa ka lok jong u.
Hadien ka jingujor naka liang ki pulit kila dep ban register kes ha Jowai P.S. katkum ka Case No. 210(09)16 U/s 444/506/376 IPC bad ïa ka jingtohkit la shimti da ka WPSI kong J. Nongseij.
Hadien ba ka jingtohkit da ka ïingbishar ha ka 20 tarik May, 2025 kala ïoh ïa ki sakhi sabut ba biang, kala pynngat ïa u Silas Sten hapoh ka Sections 448 bad 323 IPC bad la rai ban set along ïa u haduh 6 bnai.