Ka ïingbishar jong u N.A. Khan, Sessions Judge, West Jaiñtia Hills District, Jowai hadien ka jingshong bishar kaba khadduh ïa ka mukotduma halor ka jingshah pynïap u (L) Trebor Hinge ha ka shnong Nangbah, ka la rai pynrem noh ïa u Ram Dhar da kaba set along shi rta jingim.
Katkum ka khubor Pulit la ïathuh ba kane ka jingjia ka la jia naduh ka 11.02.2015 ha kaba la register case pyrshah ïa u Ram Dhar halor ka jingkynnoh donkti ban pynïap dusmon ïa u (L) Trebor Hinge. Ïa ka case la register ha Jowai PS Case No.22(2)15 U/S 302 IPC ba la shimti da u SI S. Pariat.
Ha kane ka jingrai pynrem ïa u Ram Dhar, ka ïingbishar kala dawa siew ïa ka kuna kaba Rs.5000/- (San Hajar) tyngka. Ha kajuh ka por la btah ruh ban siew bai lutksan sha kiba ha ïing jong utei uba la khlad noh Rs.3,00,000/- (Lai Lak) tyngka.