Ka Loomkyrwiang Dorbar Chnong kala pynlong ïa ka prokram rakhe burom ïa ka 78th Independence Day ha ka 15 tarik Nailar, da ka jngwan ïashim bynta lang jong ki khun ka Dorbar Chnong naduh ki khynnah, ki samla bad ki riew rangbah.
U ma Lammat Oo Laloo, Waheh Chnong Loomkyrwiang ula pynjer ïa ka lama bad bud sa ka jingrwai National Anthem, ïa ka jingïalang la pynïaid da u Daioolang Pakma, Symbood Waheh Chnong uba la pynsngew shaphang u Woh Kiang Nangbah khlawait ka Ri Jaiñtia uba la aiti ïa ka jingim na ka bynta ka jaitbynriew ha u tyllai pasi haka 30 tarik December, 1862.
U ma Lammat Oo Laloo, Waheh Chnong ula kyntu ïa ki nongshong shnong ba kin tip ban rakhe ïa kane ka sngi kyrpang jong ka Ri, ula ong ban wanrah ïa ka shongsuk shongsaiñ, ka bha ka miat ha ka imlang sahlang dei ban don ka jingiasngewthuh jingmut lang.
Ha kani ka sngi ka Khynroo Khyllood Committee kala sam ruh ïa ki khusnam sha ki nong jop ha ka Drawing-Painting Competition hapoh ka rta 9 snem, kiba la ïoh da ka Riheiburom Shullai, ka Elmonzavivian Laloo bad ka Iarisa I haka Lywait, katba ha ka rta kaba 10 snem shaneng la ïoh daka Nangroi Laloo, Ove Elford Laloo, Arphiwansa Laloo bad ka Charrisa manka Pakma.
Na ka liang ka Dorbar Shnong kala pynkhreh ïaka Independence Day Pledge ne ki kyntien jingkular kum ka dak ban ai mynsiem ïa ki khun ka shnong ban wanrah ïa ka shongsuk shongsaiñ, ka bha ka miat haka imlang sahlang bad ka Tipbriew-Tipblei.
