Ka Balika Hindi Vidyalaya Secondary School hynin ka sngi (24/03/2023) kala rakhe ia ka jingdap 60 snem jong ka jingseng nongrim ia ka. Ia kane ka jinglehkmen la pynlong ha phyllaw jong kane ka skul kaba don ha Keating Road, Shillong.
Ha kane ka sngi la iadonlang u President jong ka skul u Prashant Goenka, u Secretary ka skul Dr. K.K. Jhunjhunwala, ki dkhot jong ka Lions Clu, u Headmaster ka RB Anup Chand Sec. School, u Rangbahshnong ka Keating Road, ki dkhot jong ka Electrical Association bad kiwei de ki shah khot sngewbha.
Na ka liang ki nongpyniaid jong ka skul ki pynpaw ka jingsngewburom kaba khraw ia ki nongseng jong ka skul, kiba la don ia ka mynsiem jong ka jingaitilut bad ka jingiaishah bad jingiohi jngai jong ki ym tang ha ka jingnang jingstad hynrei ha ka jingkiew ha baroh ki liang.
Ki khynnah skul ba rim jong kane ka skul ruh kila iapoi sha kane ka jingrakhe 60 snem ka skul bad iashim bynta lang ha ka jingkmen jong ka skul.
Ia ka skul Balika Hindi Vidyalaya Secondary School laseng nongrim da ka jingbei tyngka u (L) Rameshwar Goenka ha u snem 1963, pynkut ka khubor ba la phah na ka skul.
