Ka District Health Society, National Health Mission East Khasi Hills ha ka 1 tarik Naitung, 2024 ka la sdang ia ka World Breastfeeding Week 2024 da ka phang pdeng “Ka jingkhang ia ka jingduna: Ka jingkyrshan ai buin ia baroh”.
Haba ai jingkren ha kane ka jingialang ka myntri ka tnad ka Koit ka Khiah ka Dr. M. Ampareen Lyngdoh ka la pynpaw ia ka jingkordor ban iasam ia ka jingtip shaphang ka jingai dud bad ki jingmyntoi jong ka.
Ka kong Ampareen Lyngdoh ka la iathuh ia ka jingshem shimet jong ka kum ka kmie bad ka la pynpaw ia ka jingsngewkhia halor ka jingktah jong ka jingpang khlam kaba khlem da sumar ia ka bor pyrkhat.
Ka Myntri ka la kyrshan ban pynjari ia ka hok jong ki kmie ban ioh shuti hynriew bnai hadien ba la kha khun, khlem da kheiñ ia ka kyrdan trei, bad ka la kyntu ia ki ophisar ban pynthikna ba kane ka polisi kan treikam noh.
Ka la ban jur ruh ia ka jingdonkam ban pynneh pynsah ia ka rukom ai dud kmie bad ka la pynshlur ia ki nongtrei ka koit ka khiah bad ki ASHA ban pynsngewthuh shaphang ki jingmyntoi jong ka jingaibuin ia ki khunlung.
