Ka Dongneiñ Youth and Cultural Sports Club Sohmynting, WJHD ka la pynlong ka jinglehkmen ia ka sngi laitluid ka Ri ne ka Independent Day, ha kane ka jinglehkmen ki nongshong shnong jong ka Sohmynting ki la iashim bynta lang kaba la pynlong ha ha madan Ktiehheh.
La pyniaid ia ka Program da u Sumarlangki Kyndait uba dei u President jong Ka Youth Club la pynher ia ka lama lai rong ka Ri da ki nongtrei AGANWADI, la ia shim bynta ia ka National Anthem da baroh ki nongshong shnong kat kiba ia don lang bad la la wan ban ia shim bynta ha kane ka sngi da ki nongtrei AGANWADI, ASHA, Mid-day meal, ki Muster Roll, ki dkhot ka Dongneiñ Sports Club, Seng Kynthei (SHG/VO) lem bad kiba bun ki nongshong shnong naduh ki khynnah rit ki rangbah bad ki tymmen de.
La ioh ka jingkren na ka liang ka Dorbar Shnong Dongneiñ pyllun da u Chairman ma Jalius Shylla, na ka liang ka Dorbar Shnong da u Assistant General Secretary ma Wompher Tariang. Na ka liang ki Sengkynthei da ka kong Rose Kyndait kaba dei ka President VO bad la ioh ruh ia ka jingkren na u ma Wailad Suting Chairman ba rim ka Dongneiñ.
Hadien ka pogram ki Seng Kynthei (SHG/VO) kila shim ka bynta ban pynkhuid ne lum ia ki plastic ha ki surok bad madan Ktiehheh bad la pynshongshit ha kane ka sngi da ka jingiakop ialehkai Football.