Ka Khasi Hills Autonomous District Council (KHADC ) ryngkat ka JJM Nichols Roy College ki la rakhe ia ka lyngkhuh sngi iap kaba 65 snem jong u Rev JJM Nichols Roy ha phyllaw jong ka District Council.
Ha kane ka sngi rakhe la pynlong ia ka jingialang da kaba buh syntiew ha u mot jong u Rev JJM Nichols Roy.
Haba kren ha kane ka sngi na ka liang u Bah Pyniaid Sing syiem CEM ka KHADC u la ong “Ngi ioh Ia ka Autonomous District Council na ka sorkar India ha ka snem 1952. ngi don haduh 10 tylli ki Autonomous District Council ha North East. Ngi don ruh ia ki District Council Act ha ki state jong kiwei ki jylla. Kine ki 10 tylli ki autonomous district Council ki dei kiba hap hapoh ka sixth schedule hapoh ka Constitution jong ka ri India bad ha u snem 1959 i Rev JJM Nichols Roy i la khlad noh bad ha kine ki 65 tylli ki snem ngi ioh ia ka jingkyrkhu ba ngi don Ia ka District Council”.
Shuh shuh u la pynpaw tang kiba don ha District Council ki sngewthuh kiei kita ki bor ki iktiar jong ka sixth schedule. Ki paidbah ki bym ngam jylliew ha ka sixth schedule ki lah ban kren bun jait bad ki la ban kynthoh ha ba bun rukom ia ka sixth schedule.
Ia ngi kiba trei bad pyrkhat jylliew kaba I Rev JJM Nichols Roy I la ai ha ngi ka dei ka kambah kamsan, wat lada im don shuh ka dei ka kamram jong ngi ban kynmaw ia i namar i la synniang shibun ia ka District Council bad kumjuh ia ka sixth schedule.
Shwa ban pynkut u la ong lada ngi peit ia ka sixth schedule ha baroh ki paragraph ka long ka jingkyrkhu namar la ai bor ia ngi ki Autonomous District Council ban shan aiñ bad u la ong ba ha kine ki sngi don ka jingshah ialam bakla ba ka la mih ka kyntien ban ong ym donkam District Council shuh. Tang ban wanrah amendment ruh shim por 73 snem katba ioh ia ka aiñ ba thymmai ngam tip shuh ha Parliament mano ban sngap ia ngi.
Na ka liang u Deputy CEM ka KHADC u Bah Pynshngain N syiem u la ong ka long shisha kaei kaei kaba hap niewkor bad sngew burom ia une u rangbah u Rev JJM Nichols Roy.
Ha u snem 1972 la pynsniew dur ia ka jingiohi jngai jong une u rangbah ha kaba ia ka ktien ban pynlait na ki aiñ jong ka sorkar pdeng kaba dei tang ha ka bor jong u Lat la aibor noh ia u President jong ka ri India. Ka ba mut ngi ai noh ia ka iktiar kaba khlaiñ na ka kti jong ngi ha u President ka ri India. U President jong ka ri India um hap ha ka jingpyniaid jong ka council jong ka sorkar Meghalaya hynrei u hap ha jing pyniaid ha ka council jong ka sorkar India. Ngi la duh ia ka kaei kaba U Rev JJM Nichols Roy u la buh ia ka thong ka bynta jong ngi.
Shuh shuh u la ong ban wanrah ia ka District Council kaba skhem ngi donkam ban wanrah ia ki aiñ ba khlaiñ. “Ngi ki briew kiba don ha District Council ngi dei ban long kiba iar ha ka jingmut jingpyrkhat ban wanrah ia ki aiñ ba khlaiñ bad ki rukom treikam kiba khlaiñ.
Shwa ban pynkut u la ong ba ngi dei ban pyndonkam biang ia ki mat kiba u Rev JJM Nichols Roy u la wanrah bad iohi jngai ia ka District Council”.