Ka KSU Mawlai Circle hynne ka sngi 5.6.2025 ka la rakhe ia ka sngi pynneh mariang (world environment day) ha ka school Umjathang LP & UP school kaba don ha mawsiatkhnam.
Ha kane ka sngi ka la don ka jingialang ba lyngkot ha kaba la ioh ban pyniaid da u Samla Ozzy Kurbah (Asst Environment secretary Mawlai circle) bad la ioh ban kren maitphang da u samla Welborn Nonglang (Environment secretary Mawlai circle) bad hadien la ioh ruh ka jingkren na i principal jong ka school i sir S.Kharbuki i ba lah batai ia ka history jong ka school naduh ba seng ia ka ha u snem 1989 bad i la ai khublei ruh ka ka KSU ba ka kynmaw ban wan ïuhkjat da ka ba synniang da ki copy, let, khulom & white board bad ban rakhe ia kane ka sngi pynneh mariang hapoh ka ka school jong ki.
La ioh ka jingkren na u samla Eddie Malangiang General Secretary Mawlai Circle u ba la pynkynmaw ba ki dei ban kynmaw bad sumar ia ka Mei mariang bad khamtam ban ialeh pyrshah bad ban kiar na jingpyndonkam ia ki plastic kaba wanrah ka jingma bad ktah ia ka khuid suba jong ka pyrthei hi baroh kawei.
Hadien ka jingialang ka la dọn ka jingpynkhuid ia ki sawdong jong ka school bud pat sa ka jingthung dieng da ki khynnah school ha ryngkat ki dkhot jong ka KSU bad ki nonghikai ka kyrwoh na u Gary Mawlieh Publicity Secretary KSU Mawlai Circle.
