Ka tnad jong ka Ministry of Jal Shakti jong ka ri India kum shi bynta ban burom ia ki longkmie kiba jop na ki nongkyndong halor ka jingnang ban kynshew ia ka um bad ka jinglehkhuid kala pynlong ia ka prokram kaba la tip kum ka “Swachh Sujal Shakti Samman 2023” ha kaba ka President jong ka ri ka Droupadi Murmu kala wan ban plie pyrda ia kane ka prokram hynnin ka sngi.
Ia kane ka prokram la pynlong kaba iahap ruh bad ka jingrakhe ia ka International Women’s Day kaba dei shi bynta na ka jinglehburom halor ka jinglah jong ki longkmie ha ki thaiñ nongkyndong ban pyntreikam ia ka Swachh Bharat Mission-Grameen (SBM-G), ka Jal Jeevan Mission (JJM), ka Jal Shakti Abhiya: Catch the Rain (JSA-CTR).
Ha kane ka sngi kila don 36 ngut ki longkmie kila shah pynkup burom ha ka President ka ri India ryngkat u Union Minister jong ka Jal Shakti.
Ha kane ka juh ka sngi la pyllait paidbah ruh ia ka skhim Jal Shakti Abhiyan – Catch the Rain 2023 bad ka jingpyllait ia ka National Water Mission’s(NWM) SoPs halor ka Source Sustainability da u Minister ka Jal Shakti u Gajendra Singh Shekhawat.
Kala don ruh ka jingpyllait ia ka “My Stamp” na ka bynta ka National Water Mission da u Minister of State for Communicatios u Devusinh Jesingbhai Chauhan