Ka National Cadet Corps (NCC) jong ka Kiang Nangbah Govt College, Jowai ha ryngkat ka Tome Memorial Secondary School Jowai ha ryngkat ka jingïatreilang bad ka Yoga Cell & IQAC kila rakhe ïa ka sngi ‘International Yoga Day’ mynta ka sngi 21 tarik u Jylliew, 2024.
Ka phang jong kane ka jingrakhe ka ong “one Earth, one Family and one future”, ïa kaba la pynlong ha Kiang Nangbah Govt College Indoor Sports Hall, ha kane ka sngi la wan ïashim bynta da ki 100 ngut ki khynnah NCC bad NSS jong ka College bad na ka Tome Memorial Secondary School Jowai.
Ha kane ka sngi kitei ki khynnah ka NCC bad NSS kila ïoh lad ban ïashim bynta haka jingleh ïalehkai Yoga ban ïoh ïaka jingkoit jingkhiah naduh ka rukom kilan ïaka met ka phad ha baroh shi rynïeng bad ka rukom ring mynsiem ban kilan ïa dkhot met ba shapoh.