Ka Swachh Bharat Mission ka dei ka wei na ki prokram kyrpang jong ka sorkar India kaba la wanran da u Prime Minister Narendra Modi na ka bynta ban pynurlong ia ka jingphohsniew jong u Mahatma Gandhi ban pynlong ia ka ri India kaba khuid bad kaba koit ba khiah. Ia kane ka prokram la sdang naduh u snem 2004.
Kum shi bynta na ka Swachhta Bharat Mission, ka Ministry of Statistics kala rakhe ia kane ka Swachhta Pakhwada 2023 naduh mynta ka sngi (1/7/2023) haduh ka 15/7/2023. Ha kaba iadei bad kane ka National Sample Survey Office, Field Operations Division, Regional Office kaba don ha nongbah Shillong kala pynlong ia ka Awareness programme kaba iadei bad ka jingkoit jingkhiah, ka jinglehkhuid ha AW Thomas Girls’s Home, Jaiaw Lymsyntiew, Shillong kaba dei ka jaka ri Khunswet.
Ha kane ka prokram la wan ba iashim bynta lang da ki sahep sorkar jong ka NSSO (FOD), ki nongtrei bad ki khynnah jong kane ka jaka ri khunswet.
Ka NSSO (FOD) RO Shillong, kala pynlong ruh ia ka jingpynkhuid shnong bad ruh ka jingthung dieng ha ki khlaw ka shnong Malki.
