Na ka liang jong ka National Sample Survey Office (Field Operations Division), ka Regional Office Shillong, ha ryngkat ki bynta jong ka Ri, ki la rakhe ia ka National Statistics Day ryngkat ka jingiatreilang bad ka St Anthony’s College, Shillong ha ka iing dorbar jong ka kolej mynta ka sngi.
Haba ai ïa ka jingkren, kum u kongsan ha kane ka jingïalang, u Prof S.K. Jha, HOD, ka tnad Statistics, North Eastern Hill University u la kdew ia ka jingthmu ba kongsan ban rakhe ia ka National Statistics Day kaba long ban pynphriang bad pynsngewthuh ia ki briew ia ka jingdonkam jong ka Statistics.
“Da kaba pynbeit ia ki jingtip ha ki katto katne ki dur ba la pynbeit, ngi ioh ia ka jingtip kaba pynsuk ban lum lang bad ban pynkhuid”, u la bynrap. U la ai katto katne ki nuksa jong ka jinglum bad jingbishar bniah ia ki jingtip bad ka jingdonkam jong ki jingtip ha kaba shim ia ki rai kiba bniah.
Haba ai ia ka jingkren ha kaba sdang, u Fr (Dr). U Arcadius Puwein, Principal jong ka St, Anthony’s College u la ban jur halor ka jingdonkam jong ki jingtip bad u la ai ka jingïaroh ïa ka bynta ba la leh da ka NSSO ha kaba lum ïa ki jingtip. U la pynpaw ruh halor ka jingnoh synñiang kaba kordor jong u Prof. P.C. Mahalanobis.
Ha ka jingkren ba lamphang u Shri N. Mohondas Singh, Director bad Regional Head ka NSSO (FOD) Regional Office Shillong u la batai lyngkot shaphang ka jingim jong u Prof. P.C. Mahalanobis. U la pynpaw ia ka jingdonkam jong ki data ha ka jingshim rai. U la pyntip ba ka rai ba la shim katkum ki sakhi kiba skhem ban ia ki jingmutdur, ka pynduna ia ki jingma bad ka jingsngew shiliang khmat. U la kdew shuh shuh ba ka jingshim rai kaba la pynshong nongrim ha ki jingtip ka pynroi ia ka kolshor jong ka jingkitkhlieh bad ka jinglong khuid.
Ha kane ka sngi la don lang ruh u Shri R Sumer, Deputy Director ka DES Meghalaya, ka Smt M Nongrum ka Deputy Director ka NSSO (FOD) RO Shillong, ka Shri Prabhata Das ka Asst Director ka RO Shillong bad ka kong A. Lyngwa ka Asst Director ka RO Shillong . Ïa kane ka jingpyni halor ka phang pdeng jong ka Statistics Day 2024 la ai ruh da u Professor Dr. Strong P Marbaniang na St Anthonys College bad u Prof D. M Syiem na Shillong College. Baroh arngut ki la kdew shaphang ka jingdonkam jong ki data ha ka jingshim rai kaba bha. Kum shi bynta jong kane ka prokram la pynlong ruh ia ka jingiakop Quiz. Ki samla pule na ki kolej bapher bapher jong ka nongbah Shillong ki la iashim bynta ha kane ka prokram Quiz.
