Ka NSSO, Shillong ka la pynlong ia ki prokram bapher bapher kum shi bynta jong ka jingrakhe ia ka “Swachhata Pakhwada 2024”. Ka Swachh Bharat Mission ka dei ka prokram ba pawnam jong ka Sorkar India, kaba la sdang da u Myntri Rangbah ban pynurlong ïa ka jingangnud jong u Mahatma Gandhi ban pynlong ïa ka ri India kaba khuid bad kaba koit ba khiar.
Ka dei ka jingïakhih ha baroh kawei ka ri kaba la sdang ha u snem 2004 da u Myntri Rangbahduh ka ri India ban pynduh noh ïa ka jingleit jakhlia pathar bad ban pynbha ïa ka rukom pynïaid ïa ki jaboh jabaiñ. Ka tnad jong ka Statistic ka sorkar pdeng kaba pyntreikam ia ki prokram ka la pynlong ia ka Swachhata Pakhwada man ka por.
Ki bynta ba kongsan jong ka Campaign ki kynthup ia ka jingshim ia ki kam pynkhuid bad ban pynthikna ia ka jingkhuid ha ka mariang. Kum shi bynta jong ka Swachhata Bharat Mission, ka tnad jingkhein jingdiah bad pyntreikam ia ka prokram ka la rakhe ia ka Swachhata Pakhwada 2024 naduh ka 16 tarik haduh ka 30 tarik Iaiong 2024. La peit bniah ia ki katto katne ki prokram kum ka jingthung dieng ha Golf course ryngkat ka jingpynkhuid ia ki sawdong sawkun jong ka, ka jingnoh synniang ia ki tin bret ñiut ba sngem & ba rkhiang sha Rajasthan Vishram Bhawan, Garikhana bad ka jingpynkhuid ha Police Bazar, Shillong bad ki jaka ba marjan.
Kane ka jingïalap kaba 14 sngi ka long kaba jop bad ka la don ka jingïashim bynta shitrhem na baroh ki Ophisar bad ki nongtrei jong ka ophis jong ka NSSO (FOD) RO Shillong ryngkat ka motto ban pynlong ïa ki sawdong sawkun jong ka ophis bad ka thaiñ Shillong kaba khuid bad kaba lait na ki plastik.
