Ha ka 15 tarik u bnai Nailar 2025 ka Shnong Hingaria kaba hap hapoh ka East Jaiñtia Hills District ka dap da ka mynsiem sngewkmen bad ka jingsngew sarong ba ha ka sngi thohdieng ki khynnah skul lem bad ki nong shong shnong jong ka ki la ïatreilang bad ka 172 Battalion jong ka Border Security Force (BSF) ban rakhe ïa ka sngi laitluid kum ka dak jngieit ïa ka ri India bad ka jingïatylli jong ki nongshong shnong ka ri India.
Ïa kane ka jingrakhe la sdang da ka jingïaid kjat ha kylleng ka Shnong ban ïoh ban pynher lang ïa ka Lama Lai Rong kum ka Dak jong ka jingieit Ri.
Ha kane ka por la ïa don ryngkat u Rangbah Shnong jong ka Shnong Hingaria lem bad ki ophisar jong ka BSF 172 BN ban sngap bad ban rwai ïa ka jingrwai jong ka Ri India.
Haba ai jingkren ki nongmihkhmat jong ka BSF ki la kyntu ïa ka jingdonkam jong ka sngi jinglaitluid bad ki jinglen ïalade jong ki nongïaleh laitluid ban long kiba sumar ïa ka Sngi jinglaitluid jong ka Ri India.
Ki rangbah jong ka shnong ruh ki la pynpaw ïa ka jingsngewnguh ïa ki BSF halor ka jingkitkhlieh ka jong ki ban sumar ïa ki khappud bad ban pynneh ïa ka suk ka saiñ bad ka jingïatreilang hapdeng ki shnong ba don hapoh ka Ri.
Ka jingrakhe ka lah kut da ka jingkular jong ki paidbah baroh ban sumar ïa ki jinghikai jong ka sngi jinglaitluid katta ka jingsuk, ka jingiatylli bad ka jingieit Ri da kaba pynskhem biang ïa ka jingïajan hapdeng ki paidbah jong ka shnong Hingaria bad ki shipai ka BSF 172 BN.
