Ka tnad Social Welfare jong ka Sorkar Jylla ha ryngkat ka jingiatreilang bad ka Meghalaya Rural Livelihoods Society ha ka 8 tarik Lber 2025 ki la rakhe ia ka sngi burom ia ki kynthei ha ka Jylla bad kumjuh ia ka jingdap 10 Snem jong ka scheme Beti Bachao Beti Badhao.
Ha kane ka sngi la wan ban long longsan da u myntri ka tnad Social Welfare ka Jylla u Bah Paul Lyngdoh, ha ka jingiadon ryngkat lang ka myntri ka tnad ka koit ka khiah ka Dr. Mazel Ampareen Lyngdoh, ki ophisar na ka tnad Social Welfare ki longkmie, ki khynnah samla na ki college bapher bapher bad kiwei kiwei.
Haba kren ha kane ka sngi na ka liang u Bah Paul Lyngdoh u la ong, kum u Kpa jong u wei u khun u dap da ka jingkmen bad napdeng jong u khun, u don sa kumba 4 lak ngut ki khun hapoh ka tnad Social Welfare bad kam dei kaba suk ba peit ban khmih ia ki. U la ong ruh ba u shaniah ha u Blei bad u Blei u la ialam lynti ha man ka jingim jong uwei pa uwei u briew ne ka briew. U la ong ruh ngi wan hangne ban pyndep ia ki kamram bad ki thong kiba don ha ka jingim.
Shuh shuh u la ong ka Social Welfare Department ka la trei shitom ban wanrah ia ka jingkylla ha ki ba bun ki longïing longsem hapoh ka jylla. U sngewkmen ba ka tnad Social Welfare ka don ia ka kynhun kaba khlaiñ ban iatreilang ban ithuh ba na kylleng ka pyrthei kin peit ia ka Jylla Meghalaya. U la ong ruh haba ia kren ne ia trei bad kiwei ki Jylla, u la ong ha Meghalaya ka burom bha ia ki Kynthei.
