Ka Tnad Jain Jong ka Sorkar Meghalaya ka la rakhe mynta ka sngi ia ka National Handloom Day 2024 ha U Soso Tham Auditorium, Shillong ha ka jingdon ryngkat u Myntri ka Tnad Jain U Bah Paul Lyngdoh kum u kongsan bad ka Dr. Anna Louise Meynell kaba dei ka International textiles Expert na Scotland, kum ka nongwan jngohkai kyrpang ha ka jingiadon lang u Commissioner & Secretary ka Arts & Culture u Shri. FR Kharkongor, Ka kong Patricia Mukhim Editor Shillong Times , Deputy Commissioner East Khasi Hills ,Smti R M Kurbah bad kiwei kiwei ki Heh Sorkar.
Ha ba ai jingkren kum U Kongsan, u Paul Lyngdoh u la khot ia ka jingdonkam ia ka jingkitkhlieh lang na baroh ki nongshim bynta ha kaba pynbha ia ka sap ba kyrpang jong ki nongthaiñ jain jong ka Jylla da kaba pynshlur ia ki nongthaiñ jaiñ jong ka pateng kaba lai kiba don lang ban bteng ia ka dustur tynrai jong ki.
U Paul Lyngdoh u la pynpaw ia ka jingsngewtynnad ha ka pyrthei ia ki tiar shna kti jong ka Meghalaya bad u la kyntu ia ki nongthaiñ jaiñ ba kin thaw thymmai bad ban iakhun ha ka iew ka hat jong ka pyrthei. Mynta ka sngi ngi sngewsarong ban pyni sha ka pyrthei baroh kawei ba ki jaiñ bad ki mar jong ngi ki don ha Ri Bhoi District bad ha kiwei kiwei ki bynta jong ka Jylla.
U la pynpaw ia ka jingsngewnguh ia baroh ki nongshim bynta kiba don bynta ha kane ka jingleit, ka jinglah kaba ka Jylla jong ngi ka don, ngi kwah ban pyndonkam hok ia ka jaiñ jong ngi, ym tang ha kiwei pat ki bynta jong ka ri India hynrei ha ka pyrthei baroh kawei, u la pynlait paidbah ruh Ia ka Meghalaya Textile Directory cum Textiles Atlas bad ia ka e- Portal jong ka Tnad Textiles, ka jingpyni dur na ki samla pule jong ka KL Bajoria College bad kiwei kiwei ki pyni nam ha kane ka sngi ba kyrpang Jong ka tnad Jaiñ.
