Ka Ophis jong u Superintendent of Fisheries, East Jaintia Hills District, Khliehriat mynta ka sngi 10/7/2023 kala rakhe ia ka sngi ki nongri dohkha ne ka National Fish Farmers Day.
Ha kane ka sngi u Deputy Commissioner, East Jaintia Hills District, Khliehriat, u A. Baranwal, IAS, u Superintendent of Fisheries, East Jaintia Hills District, bah H. Kharbuki ryngkt ki nongioh myntoi kila iashim bynta lang ia ka prokram National Fish Farmers Day Meet-2023 ia kaba la pyniaid da ka tnat Fisheries, Government of India ha Mahabalipuram, Tamil Nadu ia kaba la pyni lyngba ka Webex Video Conferencing.
U Myntri ka sorkar pdeng ba dei peit ia ka tnat Fisheries, Animal Husbandry bad Dairy u Parshottam Rupala ula pyllait paidbah ia ki 176 tylli ki projek jong ka Pradhan Mantri Matsya Sampada Yojana (PMMSY) kiba pyntreikam ha ki 18 tylli ki jylla. Na ka liang jong u bah A.L. Hek Myntri ka tnat Fisheries jong ka sorkar jylla ryngkat kiwei de ki Myntri na ki jylla bapher bapher kila iadon bynta lang.
Na ka bynta ka East Jaiñtia la ioh ban pyllait paidbah ia kawei ka Motor Cycle kaba don bad ka synduk thah (Ice Box) bad lai tylli ki kali lai shaka (Three Wheeler) kiba don lang bad ki Icebox kiba la sam hapoh ka skhim Pradhan Mantri Matsya Sampada Yojana (PMMSY) da utei u Myntri ka sorkar pdeng. Ia kine ki kali kit dohkha la aiti sha ki saw ngut ki nongioh myntoi napoh kane ka District lyngba kane ka skhim hadien ba la wai ka prokram.
