Ka West Jaintia Hills District ruh ka la iasnohkti lang bad ka jylla hi baroh kawei na ka bynta ka jingrakhe ia ka jubili Ksiar jong ka jingdap 50 snem ka jingioh jylla ba pura ka jylla Meghalaya ha ka 21.01.2022.
Ia kane ka prokram la pynlong ha District Library Auditorium, Mynthong Jowai lyngba ka live video Conference kaba pyni ia ka jingrakhe kaba la pynlong ha Madan Polo jong ka nongbah Shillong.
Ha kane ka jingrakhe la donlang u Deputy Commissioner ka District u ma Garod LSN Dykes, ki sahep jong ki tnat treikam sorkar bapher bapher ryngkat bad ka Synjuk Waheh Shnong Jowai.
