Ka Jaintia Network Society Jowai (JNSJ) ryngkat lang bad ka Nehru Yuva Kendra Sangathan Jowai ka la ioh ban rakhe donburom ia ka National Sports Day 2023 ha ka shnong Mupliang. Ia kane ka programme la sdang da ka jingialang ba lyngkot ha kaba i President kane ka Society i P.Lamare i la batai ia ka jingmut jong kane ka sngi. I la batai ruh ia ka mat treikam jong kane ka Society. Ia kane ka sngi la kynmaw burom man la u snem ha ka ne ka sngi. Kane ka sngi ka dei ka jingdap snem jong uwei u riewkhraw lane u rangialehkai sports ba pawnam jong ka ri India, i Hockey legend Major Dhyan Chand.Ki jingialehkai sports la ioh ban pynlong ha kane ka sngi kum ki jingmareh, ballon race, candle race, football bad kiwei kiwei. Ha kane ka jingialehkai la wan shim bynta da ki longkmie bad khynnah samla jong kane ka shnong.Ha ba kut jong kane ka programme la don ka jingsam ia ki prize sha ki nongjop bad la pynwai ia ka programme da ka kyntien ai khublei da i L. Kyndiah ba long i member jong ka Jaintia Network Society.
