Ka Jaiñtia Fishing & Environment Protection Association ryngkat bad ka PHE Electrical Division, Jowai ha ka 10.06.2025, kila rakhe burom ia ka sngi pynneh pynsah mariang ne ka World Environment Day.
Kum shi bynta jong kane ka jingrakhe kine ki ar kynhun kila pynlong da ka jingthung dieng sha ki bynta ba sha Shilliang ka Treiongriang Damsier, haduh 150 tylli ki tymrai dieng.
Kine ki dieng ki kynthup ia ki dieng sning, champa, puma, diengdoh, ki cherry bad ki rtiang.
Ha kajuh ka por ka seng Jaiñtia Fishing ka kyrpad ia ki dkhot jong ka bad ia ki nongwan khwai ha ka wah Myntdu ba kin sngewbha banianoh synniang da kaba thung mar shitynrai ki dieng ha man ba ki leit khwai doh na kane ka wah.
