Ka North East Adventist English Church, Khliehtyrshi kala rakhe ia ka Annual Global Youth Day mynta ka sngi da kaba kala pynlong ia ka prokram synniang snam kaba dei shi bynta na ki kam shakri ban pynioh ia ka jingim ryngkat ka phang pdeng ‘Be the Sermon’.
Ha kane ka sngi kila don haduh 48 ngut ki samla shynrang bad khynthei kiba wan shakhmat ban ai ei ia ka snam jong ki sha ka jaka kynshew snam ha Jowai Civil Hospital Blood Bank hapoh ka jingpeit jong i Dr. P.Shylla. Napdeng kine la lah ban shim snam tang 25 ngut kata 20 ki shynrang bad 5 ngut ki kynthei.
Na ka liang i Dr. Shylla i la pynpaw ka jingsngewnguh ia kane ka kynhun bad ki samla jong ki kiba iai bteng ia ka jingsynniang snam jong ki na ka por sha ka por.
Nalor ka jingsynniang snam ka North East Adventist English Church kala iohlad ruh ban leit jngoh ia ki jaka ri khun swet bad ki jaka sumar ia kiba kyrni ha ki jingdih pynbuaid.
Hynnin ka sngi kala don ruh ka jingpynkhuid shnong bala iashim bynta da ki dkhot jong kane ka kynhun balang.
