Kum shi bynta na ka jingrakhe ia ka sngi ioh laitluid ba 75 snem jong ka ri India na ka liang ka ïing bishar ka Meghalaya High Court ruh kala iashim bynta lang ha kane ka jingrakhe mynta ka sngi.
Ia kane ka jingrakhe la pynlong ha pyllaw jong katei ka ïing bishar High Court ha nongbah Shillong. U Chief Justice ka Meghalaya High Court u Justice Sanjib Banerjee ula long u kongsan ha kane ka jingrakhe.
Kila don shibun ki prokram kiba pynsngewtynnad ia kane ka jingrakhe kum ki jingrwai ieit ri bad kiwei de bala iashim bynta da ki nongtrei jong kane ka ïing bishar bad na ki khun samla.
