Ka Hynniewtrep Youth Development Council (HYDC) hynne ka sngi ka la rakhe ia ka Sngi Pynneh mariang World Environment Day.
Ha kane ka jingrakhe, ka seng ka la leit ban thung da ki dieng na duh Mawlai Mawroh ter ter haduh lad NEHU.
Ha kane ka jingthung dieng la ialam da u Secretary jong ka HYDC East Khasi Hills District u bah Tom Nongbri.
Haba ai jingkren ha kane ka sngi na ka liang u President ka HYDC, u bah Wyraiwan Sohtun u la ong ka lynti na ka bynta ban ioh ia ka mei mariang kaba khuid ba suba ka dei ban ialeh ban pynduna ka pom dieng bad ka dei ka kamram jong ngi ki nongshong shnong ka jylla ban ialeh ban thung ia ki dieng man ka por na ka bynta ka lawei ka ban sa wan.
Shuh shuh u la ong ba ka Seng ka la phah shithi sha ka Deputy Commissioner ka East Khasi Hills na ka bynta ban ai jaka ha ki rud surok ban thung ia ki dieng soh niamtra ha ki bynta ka sor Shillong. Hynrei ka Deputy Commissioner kam lah satia ban ai jaka bad ka seng kam banse ban thung noh da ki dieng syntiew kiban pynitynnad ia ka sor Shillong ha ki sngi ki ban sa wan. Ha kane ka jingkren u bah Wyraiwan Sohtun u la ban ruh ba donkam ban wanrah biang ia ka ecological balance khnang ba ki sim kin wanphai biang ha kane ka nongbah kumba ju long mynshuwa.
Ka seng kala ioh ruh ban thung dieng ha Nongstoin ha kaba ki skul ruh kila iashim bynta lang ba la tip kum ka Bible Believing Church Secondary School bad Stepphanlur Village bad ia ka kynhun la ialam da u President ka West Khasi Hills bah Ospar Shangpliang bad u Bah Willstone Sohlang Vice President HYDC Central Body.
