Ka jingïalehkai phutbol Semi Final haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final ba nyngkong ka kynhun ïalehkai jong ka Ladthadlaboh kala lah ban pynliem da 1-0 kol ïa ka Sailung Ialong, ïa katei ka shikol naka Ladthadlaboh la thep da u Promi Suting haka minit ba 90+1.
Lyngba kane ka jingjop jong ka Ladthadlaboh kala buh jaka ïalade ha ka jingïakhun Final jong kane ka lyngpung.
Katba ka jingïakhun Semi Final ba ar kan long lashai ka sngi 5 tarik u Nohprah hapdeng ka 7 Wasa United pyrshah ïa ka Nangbah Mulang haka por 1 baje nohphai sngi, ka kynhun ba jop haka Semi Final ba ar kan ïakhun bad ka Sailung Ialong haka Semi Final ba lai jong ka 9 tarik ki ban ïoh rung sha jingïakhun Final.