Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 12 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun Semi Final ba nyngkong mynta ka sngi ka Lumshnong YWSC kala pynliem da 3-0 kol ïa ka Moopyniein SCSO, ïa ki kol na ka Lumshnong YWSC la thep da u Misting Lamin haka minit ba 36, u Skhemborlang Rupai haka minit ba 47 bad u Amorous Lyngdoh haka minit ba 80.
Katba ha ka jingïakhun ba ar jong ka Semi Final ka kynhun ïalehkai jong ka Dkhiah West SC kala pynliem da 1-0 kol ïa ka Tuber Kmaishnong CSC, ïa kane ka shikol na ka Dkhiah West SC la thep da u Dawrupaia Tlang ha ka (extra time) jong ka minit ba 84.
Lyngba jong kane ka jingjop jong ka Lumshnong YWSC bad ka Dkhiah West kila ïoh syndon ban rung sha ka jingïakhun Final jong kane ka lympung 3rd Division mynta u snem ban ïaknieh ïa ka nam lahduh ha ka 16.10.2024 ha ka por 12 baje mynsngi.