Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi 29 tarik u Risaw ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka R.Synrang Shahkhain SC kala pynliem da 2-1 kol ïa ka Moolamanoh SC, ïa ki kol na ka R. Synrang Shahkhain SC la thep da u Backstar Dkhar haka minit ba 31 bad u Sooki Bareh haka minit ba 52. Ïa ka shikol na ka Moolamanoh SC la thep da u Eriston Dkhar haka minit ba 87.
Ha ka jingïakhun kaba ar kaba la long hapdeng ka Wahiajer Narpuh YSSC bad ka Jalyiah UTD SC kila poi sha ka jingïakhiad da mar shikol 1-1. Ïa ka kol na ka Wahiajer Narpuh YSSC la thep da u Santosh Teron haka minit ba 28, katba ïa ka kol na ka Jalyiah UTD SC la thep da u Sankhlur Phawa haka minit ba 61.
La pyntip ka kynhun ïalehkai jong ka Wahiajer Narpuh YSSC, R.Synrang Shahkhain SC lem bad ka Jalyiah UTD SC kila ïoh ban rung sha ka Quarter Final (Round) jong ka 1st Division EJHDFA.
Ka jingïakhun ha ka 31 tarik u Risaw kan long hapdeng ka Shilliang Umshong SC pyrshah ïa ka Tpepswer SSWO ha ka por 12 baje mynsngi, katba ka Iatyllilang SC Hingaria kan ïakhun pyrshah ïa ka Lumshken SC haka por 2 shiteng nohphai sngi.