Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat.
Haba phai sha ka jingïakhun kaba nyngkong na ka liang Ladrymbai-B SC kala pynliem da 2-0 kol ïa ka Musniang SC, ïa ki kol naka Ladrymbai la thep da u Dasukmiki Dkhar haka minit ba 24 & 78. Lyngba kane ka jingjop ka Ladrymbai-B SC kala ïoh ban rung sha ka Quarter Final na ka Pool-A.
Ha ka jingïakhun kaba ar ka Lumshken SC kala jop da 1-0 kol ïa ka Shilliang Umshong SC, ïa kate ka shikol na ka Lumshken SC la thep da u Markos Bareh lyngba ka Penalty haka minit ba 11.
Lyngba kane ka jingjop ka Lumshken SC ïa ka Shilliang Umshong, na ka liang ka kynhun ïalehkai jong ka Tpepswer SSWO kala ïoh ban rung sha ka Quarter Final naka Pool-B jong kane ka lympung 1st Division League 2023 ka EJHDFA.
