Ka Dorbar Shnong Pdengshakap kaba pynïaid ïaka jingïalehkai phutbol ïa kaba la tip kum ka 10th Secondary School Football Knock-out Tournament 2023-24 ha madan Pdengshakap, West Jaiñtia Hills.
Ki jingïalehkai ha kane ka sngi saitjaiñ bala dep la ïoh ban bteng biang ïa ki artylli ki jingïalehkai 2nd round, haka jingïalehkai ba nyngkong ka Rymbai Shkenshynriah SC kala jop ïa ka Swer United da 1-0 kol. Ïa ka shikol jong ka Rymbai Shkenshynriah SC la ïoh ban thep da u Naw kining Dkhar haka minit kaba 52.
Haka jingialehkai ba ar pat ka Nohron SC kala jop ïa ka Khyrwait naphang FC (Demthring) da 4-3 kol daka jingïashut Tie-breaker hadien ba la ïa khaid ka jingïalehkai da 0-0 kol. Kumta ka Rymbai Shkenshynriah SC bad ka Nohron SC kila buh jaka ïalade sha ka Quarter Final.
Naka liang ki bor pynïaid jong ka Tournament kin bteng biang ïa ki jingïalehkai ha ka 17 tarik mynta u bnai. Ka jingïalehkai haka por 12 baje ka One Soul Utd (Pdengkarong) pyrshah ïa ka Amlanai Young Boy’s, ha ka por 2 baje nohphai sngi ka Sengkhihlang FC pyrshah ïa ka Golden Lion FC (Rymbai).