Ka lympung ïalehkai phutbol bala tip kum ka “3rd Sniawbhalang Football Tournament” kaba la long mynta ka sngi 12 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ‘Quarter Final’ ba nyngkong na ka liang ka kynhun ïalehkai jong ka Sohphoh kala lah ban pynliem da 3-1 kol ïaka Tyrshang lyngba ka jingïashut Tie Breaker, hadien ka jingïakhaid jong ki kaba mar 2-2 kol, ïa ki kol na ka Sohphoh la thep da u Dapyntgen Suting ha ka minit ba 61 bad u Risuk Suting haka minit ba 83. Na ka liang ka Tyrchang la thep da u Henris Kharpomtiah haka minit ba 73 bad u Hinderson Shylla haka minit ba 79.
La pyntip ba ka jingïakhun ‘Quarter Final’ ba ar kan long lashai ka sngi 13/01/2024 hapdeng ka Wahiajer pyrshah ïa ka Tamu ha ka por 1 baje shiteng nohphai sngi.