Ka Rumshnong Youth Club Bataw kaba la pynlong ïa ka lympung ïalehkai phutbol bala tip kum ka 2nd RYC Bataw Knockout Football Tournament 2023-24 kaba la poi sha ka Quarter Final Round.
Ïa kane ka lympung ialehkai football la pynlong ha madan Lacheh Playground Bataw bad ki team ba la ïalehkai Quarter Final kaba la long hynnin ka sngi 18 tarik ka long hapdeng ka Nongshiliang Pdengshakap pyrshah ïa ka Umsyiem FC Bataw bad ka jingïalehkai ka long kaba ïakhaid da 2-2 kol bad la pynlong da ka Tie Penalty ar sien kynthih bad ha kaba kut ka Umsyiem FC Bataw kala jop ïa ka Nongshiliang Pdengshakap da 7-6 kol.
Kumjuh ruh haba phai sha ka jingïalehkai hapdeng ka JR FC pyrshah ïa ka Lever Union FC ka long kaba itynnad bad ym shym la don mano mano ruh ba ïoh ka kabu ban pynkhih jar. Na ka liang u Referee ula hap ban pynlong da ka Tie Penalty bad la don ka jingïakhaid namar ki rangap kol na baroh arliang ki la leh bha bad ym shym don ba jop te la pynlong biang ka Tie Penalty ha ka wat ba ar bad ka kynhun Lever Union FC ka la jop ïa ka JR FC da 4-3 kol.
Kum ka jingpyntip ïa ki paidbah nongkyrshan ba ka jingïalehkai Semi Final ha ka 22/12/2023 kan long hapdeng ka Umsyiem FC Bataw pyrshah ïaka Lever Union FC haka por 12 shiteng mynsngi, katba ka Umlyngsha YSSC pyrshah ïaka War United FC haka por 2 waje shiteng nohphai sngi.