Ka Dorbar shnong Pdengshakap kaba pynïaid ïaka jingïalehkai Football ïaka ba la tip kum ka 11th Secondary School Football Knock-out Tournament 2024-25 ha madan Pdengshakap kala jan poi artad sha ka ba kut.
Haka jingïalehkai kaba la long haka sngi saitjaiñ (8/3/2025) jong ka jingïakhun Quarter Final ba lai hapdeng ka Azad Afc2 pyrshah ïaka Pohplet FC ha kaba ka Pohplet FC kala jop da 6-5 kol daka jingïashut Tie-breaker hadien bala kut ka jingïalehkai da 0-0.
Kum ban shu pynkynmaw ba ki teams kiba la ïoh rung sha ka Semi-Final jong kane ka Tournament ki long ka Nangbah Mulang SC, ka KSF FC bad ka Pohplet FC.
Naka liang ki bor pynïaid jong kane ka Tournament kin bteng biang ïaka jingïalehkai Quarter Final ba khatduh hakane ka sngi saitjaiñ ban wan hapdeng ka Namrhenlang-i FC pyrshah ïa ka YC Pdengkarong haka por 2 baje nohphai sngi.