Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Mukhla FC kala lah ban pynliem da 2-1 kol ïa ka Ialong FC, ïa ki kol na ka Mukhla FC la thep da u Primrose Lamat haka minit ba 20 bad u Remark Kharmalki haka minit ba 59. Katba na ka Ialong FC la thep da u Roikhih Nongtdu haka minit ba 56.
Lyngba kane ka jingjop jong ka Mukhla FC kala ïoh ban rung sha ka Semi Final jong kane ka lympung.
La pyntip ba ka jingïakhun Quarter Final ba saw kan long lashai 23 tarik u Nailur hapdeng ka Mynsngat FC pyrshah ïa ka Salaroh FC haka por 2 baje nohphai sngi.