Ka lympung ïalehkai phutbol bala tip kum ka “3rd Sniawbhalang Football Tournament” kaba la long mynta ka sngi 13 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ‘Quarter Final’ mynta ka sngi saitjaiñ naka liang ka kynhun ïalehkai jong ka Wahiajer kala lah ban pynliem da 8-0 kol ïa ka Tamu, ïa ki kol na ka Wahiajer la thep da u Heimonmi Dkhar haka minit ba 24, 37 & 83, u Reform Pale haka minit ba 9, u Sauni Phawa haka minit ba 70, u Oliver Pale haka minit ba 85, u Gideon Mukhim haka minit ba 86 bad u Janerio Phawa haka minit ba 92.
La pyntip ba ka jingïakhun ‘Quarter Final’ ba lai kan long haka 15/01/2024 hapdeng ka Nongkhroh pyrshah ïaka Kremmyrsiang haka por 1 baje shiteng nohphai sngi.