Ka Federation of Khasi Jaiñtia and Garo People (FKJGP) shi bynta na ka sngi lehkmen ïaka jingdap 50 snem ka shnong Namdong-B, ha kane ka 10/12/2022 kala noh synñiang daki kymbor sha ka Dorbar shnong Namdong-B na ka bynta ban ai sngewbha sha ki riew tymmen (long kmie long kpa) kiba lah dap 70 snem shaneng.
Ha ka juh ka por ka seng kala leh ïa kane kum ka dak ban burom bad sngewnguh ïaki riew tymmen ka shnong kiba la noh synñiang ha kina bun ki bynta kaba la pynlong ïa ka shnong ka thaw ka la roi la par haduh mynta mynne.
Halor kane ka Dorbar Shnong Namdong-B ka pynpaw ïaka Jingsngewnguh kaba khraw ïaka FKJGP kaba la noh synñiang ïa kine ki nep syiad bad dei lyngba ka jing ïarap ka jong ka seng baka shnong ka sa ïoh ban ïarap ïa kitei ki mei iei pa ieid hapoh ka shnong, ïa kine ki nep Syiad ki nongïoh myntoi ki lah ban pyndonkan ha kum kine ki por jong ka aiom Tlang ba khriat ka bneng.
