Ka Khasi Students Union (KSU) East Jaintia Hills Unit, mynta ka sngi ka 15 tarik Naitung ka la iai bteng ban khynra Work Permit na ki bar jylla sa ha Umstain, East Jaiñtia Hills.
Ha kane ka kynti ki dkhot ka Seng ki la buh ruh da ka khyrdop ap (check gate) ryngkat ka jingthoh ban pynskhem ba ka aiñ ‘Work Permit’ ka la dep ban treikam naduh u snem 2011. Nalor kata ki la kren siat ruh ia ka sorkar da kaba thoh ‘Ka Infiltration Check gate kadei ka khyrdop lum khajna jongno re jingno’.
Hynrei kaba pyndiaw ia ka seng ka long ba katba kane ka jingtreikam ka dang iaid, ki pulit bad ki bor sorkar ki la wan da ka jingthmu ban pynsangeh shisyndon ia kane ka jingleh jong ka KSU.
