Ka ïing Khashari Special Judge NDPS South West Khasi Hills District ka la rai pynrem ia 3 ngut ki Nongkhaïi Drok beaiñ da kaba set patok haduh 10 snem bad ruh ka kuna kaba mar 1 lak marwei. Kine ki kynthup ia u Somison Sangma 24 snem, u Gopal Barman 24 snem bad u Jewel D. Sangma 22 snem ka rta. Kine baroh 3 ngut ki dei na ka Shnong Nongkriah, Mawsynram Block, East Khasi Hills District. Ka ïing Kashari ka la maham tyngeh ruh ba lada kim lah ban siew ia ka kuna ba la buh, kin hap ban shong sa 1 bnai.
Katkum ka kaiphod ba la iohlum, ia kitei ki 3 ngut kila shah kem namar ka jingpynkheiñ ia ka kyndon Narcotic Drugs and Psychotropic Substance Act ha kaba la ioh ban bat ia ki ha ka 19 Kyllalyngkot 2024 na ka thain Ranikor, South West Khasi Hills District. Katei ka jingiohksai ka dei lyngba ka jingbuh FIR jong u Irfan Bashir Magrey.
Ki pulit ki la iathuh ba na ka met jong kitei ki 3 ngut la ioh ban bat haduh 1728 tylli ki dawai pynbuaid (Tablet) ha kaba la suba ba ki dei ki Yaba.
