Kumba ju long man la u snem ha Jowai ka Seiñ Raij Jowai mynta u snem ruh kan rakhe ia kane ka jinglehkmen Behdieñkhlam ka ban sa long naduh ka 30 tarik u Jylliew bad yn pynkut ia ka ha ka 3 tarik u Naitung 2024. Ka sngi ka jingpynkhreh ia ka leh kmen Behdieñkhlam lane ka jingpyndep niam na ka bynta ban ioh ka koit ka khiah, ka roi ka par ban long bha long miat ka kamai kajih bad kumjuh ruh ban wanrah ka bha ka suk ha ka imlang sah lang ka la iaid shait shait.
Ha kane ka jngpynkhreh kaba la sdang naduh kine ki sngi ba la dep haduh mynta la iohi ba ka la don ka jingpynkhuid pynpliah ha baroh ki jaka jong ka Seiñ Raij ka ba don ha sor Jowai, West Jaintia Hills. Kala don ka jingpynkhuid ia kiba bun ki jaka kynthup ia ka Iawmusiang kaba la wanrah ia ka jingkylla, ki jaka kiba la kylluid bad khuid kum ka dak ban pdiang sngewbha sha kane ka Behdieñkhlam 2024.
Na ka liang ki Department ki ophis sorkar bapher bapher ki ba don hapoh ka Jowai kynthup ia ka Public Health Department (PHE), Public Work Department (PWD) bad kumjuh ruh na ka tnat jong Tourism Department kila iashim bynta ha la ki jong ki kam .
La shai ka sngi ruh kan don shuh shuh ka jingpynkhuid ia ka Iawmusiang ka ban yn iashim bynta da ki khun ka raij ryngkat ki nong ialam niam. Ha kane ka jingpynkhreh pynkhrum bad ka jingpynkhuid pynsuba la dep pyllong ruh da katto katne tylli ki kyntoit shnong hala ki jong ki jong ki jaka lane u pud u sam.
