Ki Nonghikai Adhoc ki ba kynthup ia ki Nonghikai LP, UP, Secondary bad Hr. Secondary School ki ba hap ha Amlarem Sub-Division ha ka Lama jong ka Federation of All School Teachers of Meghalaya (FASTOM) ki la pynlong ia ka jingshong kyllain myngngor (Sit -in- Demonstration) nuduh hynnin ka sngi 28.04.2022 ha Amlarem naduh 10.00 AM haduh 3.00 PM ha kaba kumba 150 ngut ki nonghikai kila wan ban iashim bynta bad kane ka prokram ka dang bteng haduh mynta ka sngi ha katei ka juh ka jaka.
Kum ban shu pynkynmaw,la pynlong ia ka ne ka jingiakhih ban pynbor ia ka sorkar ban Upgrade lane Enhance noh ia ka salary ki Nonghikai skul Adhoc naduh LP haduh Hr.Secondary school. Ki nongialam ka FASTOM na kane ka thaiñ, ki la kyrpad ia ka sorkar ban peit lem ia ki jingeh jong ki bad ki la kyntu kyrpang ruh ia u Education Minister u ba dei u MLA ka thaiñ ba un phai lem bad ban peit ia ki jingeh jong ki Nonghikai ha ka Jylla baroh kawei. Ki nongialam ki la ong ruh ba kum ki Nonghikai kim banse ban mih shaduh surok ban dawa ia ka hok. Ki nongialam ki la kyntu ruh ia baroh ki Nonghikai ban long ki ba iatylli bad ban ia shim bynta ha kino kino ki prokram jong ka seng, khang ba yn lah ban pynurlong ia ki jingthmu ba kongsan.
