Mynta ka sngi sa u wei u rangbah briew uba la tip kyrteng kum u Sawen Tangliang ula shah rai pynrem ha ka ïingbishar Special Judge (POCSO), East Jaintia Hills District, ha dien bala bishar bad lap ia ka jingdonkti jong u ha ki kam thombor ia kawei ka kynnah rit, iathuh ka khubor Pulit.
La iathuh ba la register ia ka case ha ka Khliehriat Women Police Station C/No. 30(07)2023 U/s 5(l)(m)(n)/6
POCSO Act, bad la pynkhamti ha ka WPSI. L. Siangshai ban pynlong ia ka jingtohkit bniah. La pynlong ia ka jingtohkit bad la Charge sheeted ia u Sawen Tangliang katkum ka CS No.21/2023 dated 03.10.2023.
Hadien bala dep ban pynkut ia ka jingshong bishar la lap ba u Sawen Tangliang u donkti ha kane ka kam thombor kumta la rai pynrem ia u bad la phah set phatok ia u haduh 25 snem kynthih ryngkat ka kuna kaba Rs.30,000/- (Laiphew Hajar) tyngka.
