Ha ka miet jong ka 16 tarik u Nailar, 2025, ha ka por kumba 10 baje mynmiet, ka ANTF Meghalaya ryngkat ki pulit ka East Jaiñtia, hadien ka jingioh jingtip kaba thikna ba u Isak L. Joute, uba wan na Churachandpur, Manipur ban leit sha Shillong da ka Bus paidbah bad la suba ba u la rah lang bad u kynja jingdih pynbuaid uba lah ban dei u drok.
Halor katei ka jingtip, ka ANTF ryngkat ka jingïatreilang bad ki pulit East Jaiñtia Khliehriat ki la pynlong ka jingkhynra bad ap ktem ha shnong Byndihati bad ha ka por kumba 2:15 baje nohphai sngi ha ka mynta ka sngi U Blei, ki la pynsangeh ia kawei ka Bus kaba don ia u register number AS-01-JC-4999, kaba wan na Silchar ban leit sha Shillong, ha kaba ki la iohkem ïa uwei u briew ia uba la tip kyrteng kum u Isak L. Joute (26 snem), u khun jong u Vanlalrout Joute, ba sah ha Madanrting, Shillong, East Khasi Hills.
Ha ka jingtohkit bad khynra na utei u briew ki pulit ki la ioh ban kurup 91.86 gram u heroin ba la thep hapoh 9 tylli ki synduk sabon plastic, uba shongdor haduh 40 lak tyngka. Halor kane, la register case ha Khliehriat Police Station hapoh ka NDPS Act bad ka jingtohkit ka dang iai bteng ban lap ïa kiba don bynta lang ha kane ka kam khaïi Drugs.
