Kum shi bynta na ka jingrakhe ia kine ki samoi lehkmen kynthup ia ka Christmas bad New Year ka 91.1 Mirchi Shillong kawei na ki Station Radio ba paw jong ka Jylla kala leit ban sam da ki Cake sha Pulit Traffic kiba dang pyniaid kali ha nongbah Shillong hynning ka sngi (22/12/22).
Kane ka jingsam ia ki Cake ka long ruh shi bynta ban pynpaw ka jingsngewnguh ia ka jingtrei shitom jong kine ki Pulit pyniaid kali kiba la trei shitom shisnem lynter na ka bynta ban pynsuk ia ki paidbah nongleit nongwan.
Ia kane ka kynhun leit sam Cake la lamkhmat da u bah James Pariat.
