Mynta ka sngi ka Farmer Collectivization For Upscaling Production and Marketing System, (FOCUS) lyngba ka Meghalaya Basin Management Agency (MBMA), ka la pynlong ia ka Interaction Programme bad ki nongrep ne ka Interaction with producer Group, kiba hap hapoh ka Laskeiñ C&RD Block jong ka Mookaiaw Constituency, West Jaintia Hills District.
Ha kane ka sngi u MLA ka 4-Mookaiaw Constituency u ma Nujorki Sungoh u la long u kongsan ha kajingiadon lang u BDO ka Laskein Block u Dr. B.S. Langstang bad kiwei.
Ha kane ka programme la sam jingiarap pisa haduh 1,19,45,000/- (Shi klur khadkhyndai lak sawphew saw hajar) tyngka sha ki 193 tylli ki kynhun nongrep ne ki Producer Group (PG) bapher bapher kiba don hapoh kane ka thaiñ.
U ma Nujorki haba kren kyllum u la ong ba ka jingpynioh jong ka sorkar ia kane ka jingiarap sha ki nongrep ka jylla ka long ban iohi ba ki nongrep jong ka jylla kin kiew ha ki liang bapher bapher ba ki trei. U kyntu ia baroh ki nongrep ba kin pyndonkam hok ia ki lad jingiarap ba kila ioh na ka sorkar, khnang ba ka kamai kajih jong ki kan nangkiew shaphrang.
Ia ka programe la pyniaid da ka kong Muhorksiar Syngkon Assistant Manager ISC&ED. Kiwei kiba la jingkren ki kynthup ia u BDO Laskeiñ Dr. B.S. Langstang, jingkren na ki nongrep kiba kynthup ia ka kong Melinda Dhar na ka shnong Lummoriap, ma Nibhas Biam na ka shnong Mooshrot, ma Chanki Lyngdoh na ka CKDS, Dr D. Tariang, kong R. Lamare (ADO), ma Sywell Lyngdoh DPM bad kiwei.
